پۆلیسی ئاكرێ سەبارەت بە ڕووداوی كوشتنەكەی شەوی ڕابردوو ڕوونكردنەوە دەدات

ئاڤا نیوز

پۆلیسی قەزای ئاكرێ ڕوونكردنەوە سەبارەت بە ئەو ڕووداوی تەقەكردنە دەدات كە شەوی ڕابردوو لە سنووری بەردەڕەش ڕووی دا و بەو هۆیەوە دوو كەس گیانیان لەدەست دا.

بڵاوكراوەی فەرمی: پۆلیسی ئاكرێ ڕایگەیاند: كاتژمێر 11ـی شەوی ڕابردوو پۆلیسی بەردەڕەش لە ڕووداوێکی تەقەكردن لەنێو كۆمەڵگەی بشیریانی سەر بە ناحیەی كەڵەك ئاگادار كرایەوە، دەستبەجێ تیمەكانی پۆلیسی ناوچەكە گەیشتنە شوێنی مەبەست.

زانیاریی زیاتر: بەپێی ڕوونكردنەوەكەی پۆلیسی ئاكرێ، بەهۆی كێشەیەكی كۆمەڵایەتییەوە شەڕەتەقە لەنێوان دوو خانەوادەدا دروست بووە و لەو كاتەدا ئۆتۆمبێلێك كە هیچ پەیوەندییەكی بە كێشەكە نەبووە بەوێدا تێپەڕیوە كە خێزانێكی پێنج كەسیی تێدابووە، گوللە بەر ئۆتۆمبێلەكە كەوتووە بەو هۆیەوە دوو منداڵ لە ڕەگەزی مێ، بە ناوەكانی، (أ. ش.ع) تەمەن 10 ساڵ و (ئا .ش . ع) تەمەن هەشت ساڵ گیانیان لەدەست داوە و سێ كەسی دیكەش لەنێو ئۆتۆمبێلەكە كە دایك و باوك و كچێكی دیكە بوونە زامدار بوونە و بۆ نەخۆشخانە گواستراونەتەوە.

ئەوەی پێویستە بیزانیت: پۆلیسی بەردەڕەش پێنج تۆمەتباری لە هەردوو لایەنی شەڕەكە دەستگیر كردووە و لێكۆڵینەوەی لەمبارەیەوە بەردەوامە.