ترەمپ: نابێت ئیسرائیل هێرش بکاتە سەر ئێران

ئاڤا نیوز

دۆناڵد ترەمپ، سەرۆکی ئەمریکا، داوا لە ئیسرائیل دەکات هێرش نەکاتە سەر ئێران.

 

وێنە گەورەکە: تا دێت گرژییەکانی نێوان ئەمریکا لەلایەک و ئیسرائیل لەلایەکی دیکەوە لەگەڵ ئێران زیاتر دەبن، بۆ ئەم مەبەستەش ئەمریکا چەند ڕێکارێکی گرتووەتەبەر، بەتایبەت کشانەوەی هەندێک دیپلۆماتکار و کارمەندی باڵیۆزخانەکەی لە بەغدا و چەند وڵاتێکی دیکەی ناوچەکە.

 

لێدوانی فەرمی: ترەمپ لە میانەی وتارێکیدا ڕایگەیاند، ئەمریکا و ئێران لە گەیشتن بە ڕێککەوتنێکی ئەتۆمی نزیکن و بۆیە پێویستە ئیسرائیل هێرش نەکاتە سەر ئێران.

 

ترەمپ گوتیشی "ئێمە تا ڕادەیەک نزیکین لە ڕێککەوتنێکی زۆر باش" و سەبارەت بە ئیسرائیلیش گوتی "نامەوێت ئەوان بچنە ناو بابەتەکە، چونکە پێم وایە ئەوە دۆخەکە دەتەقێنێتەوە."

 

زانیاریی زیاتر: ترەمپ لە وەڵامی ئەو پرسیارەی کە ئایا ئیسرائیل هێرش دەکاتە سەر ئیران، گوتی "نامەوێت بڵێم ئەوە هەر ڕوودەدات، بەڵام وا دیارە کە شتێک زۆر بەباشی ڕوو دەدات" و لەوانەیە ئیسرائیل هێرش بکاتە سەر دامەزراوە ئەتۆمییەکانی ئێران، بەڵام تاران دەتوانێت خۆی لە پێکدادان بە دوور بگرێت بەوەی لە دانوستانەکاندا سازشی زیاتر بۆ ئەمریکا بکات. 

 

لەلایەکی دیکەوە: ئەم لێدوانەی ترەمپ لە کاتێکدایە بڕیارەی ڕۆژی یەکشەممەی داهاتوو، 15-6-2025، گەڕی شەشەمی دانوستانەکانی نێوان ئێران و ئەمریکا سەبارەت بە پرسی ئەتۆمیی ئێران لە مەسقەتی پایتەختی عومان بەڕێوە بچێت.