ئێران: بۆ مافی گەلەکەمان دەچینە دانوستان لەگەڵ ئەمریکا

ئاڤا نیوز

 

ئێران ئامادەبوونی شاندەکەی لە گەڕی داهاتووی دانوستانەکانی لەگەڵ ئەمریکا سەبارەت بە بەرنامە ئەتۆمییەکەی پشتڕاستکردەوە و ڕایگەیاند، لە پێناو بەگریکردن لە مافی گەلی ئێران ئامادە دەبن.

 

چیرۆکی سەرەکی: بڕیارە ڕۆژی یەکشەممەی داهاتوو، 15-6-2025، گەڕی شەشەمی دانوستانە ئەتۆمییەکان لە مەسقەتی پایتەختی عومان، بە نێوەندگیریی عومان، بەڕێوە بچن.

لێدوانی فەرمی: عەباس عێراقچی، وەزیری دەرەوەی ئێران، کاردانەوەشی بەرامبەر بە بڕیارنامەکەی ئاژانسی نێودەوڵەتیی وزەی ئەتۆمی نیشان دا و ڕایگەیاند دەبێتە هۆی ئاڵۆزترکردنی گفتوگۆکانی تایبەت بە بەرنامەی ئەتۆمیی ئێران.

زانیاریی زیاتر: گەڕی شەشەمی دانوستان لە کاتێکدایە کە گرژییەکانی نێوان تاران و واشنتن زیاتر بوون و ئەمریکا ڕایگەیاندووە ژمارەی دیپلۆماتکارەکانی لە باڵیۆزخانە و کۆنسوڵخانەکانی لە وڵاتانی ڕۆژهەڵاتی ناوەڕاست کەم دەکاتەوە.