یەکەم پەیام لە ئەمریکاوە لەبارەی هێرشەکەی ئیسرائیل بۆ سەر تاران

ئاڤا نیوز

وتەبێژی هێزە سەربازییەکانی ئێران، ئەمریکا بەوە تۆمەتبار دەکات کە پشتیوانی لە ئیسرائیل کردووە بۆ ئەو هێرشە فراوانەی کە کردوویەتییە سەر وڵاتەکەی، لەبەرامبەر وەزیری دەرەوەی ئەمریکا ئەوە ڕەتدەکاتەوە. 

چیرۆکی سەرەکی: بەرەبەیانی ئەمڕۆ هەینی، سوپای ئیسرائیل هێرشیکی بەرفراوانی کرد سەر چەند ناوەندێکی ئەتۆمی و زیاتر لە پێنج بنکەی سەربازی و ماڵی چەندین بەرپرسی سەربازی سوپای پاسدارانی ئێران و بەهۆیەوە شەش فەرماندەی باڵای ئەو وڵاتە کوژراون. 

 
 زانیاریی زیاتر: ئیسرائیل لە ڕێگەی فڕۆکەی جەنگییەوە، 12شار و  21 گەڕەکی لە تاران بە ئەمانجگرتووە کە بەشێک لەوانە کۆمەڵگەی نیشتەجێبوون بوون بۆ فەرماندە سەربازییەکانی ئەو وڵاتە، هەر لەگەڵ ئەوەشدا  8 شاری دیکەی ڕۆژهەڵاتی کوردستانیش بە ئامانجگیراون لەوانە تەبرێز و کرماشان. 

لیدوانی فەرمی: مارک ڕۆبیۆ، وەزیری دەرەوەی ئەمریکا دوای ئەو هێرشە فروانەی ئیسرائیل ڕایگەیاند: ئێمە بەشدار نین لە هێرشەکەی ئیسرائیل بۆ سەر تاران. 

بۆچوونی لایەنی بەرامبەر: لە کاردانەوەی ئەو هێرشە فروانەدا وتەبێژی هێزە چەکدارییەکانی ئێران ڕایگەیاند، ئەمریکا و ئیسرائیل باجێکی قورسی ئەو کردەوەیەیان دەدەن و تەواوی هێزەکانمان لە حاڵەتی ئامادەباشیدان بۆ ڕووبەڕووبوونەوە.