پەیامێک لە خامنییەوە لەبارەی هێرشەکەی ئیسرائیل بۆ سەر ئێران

ئاڤا نیوز 

ڕێبەری باڵای کۆماری ئیسلامی ئێران لەبەرامبەر ئەو هێرشە بەفراوانەی سوپای ئیسرائیل ڕایگەیاند، ڕژێمی ئیسرائیل دەبێت چاوەڕوانی سزایەكی قورس بێت. 

چیرۆکی سەرەکی: بەرەبەیانی ئەمڕۆ هەینی ئیسرائیل هێرشێکی بەرفراوانی کرده سەر دامەزراوە ئەتۆمییەکانی ئێران و ماڵی چەندین سەرکردەی سوپای پاسدارانیشی بە ئامانج گرت کە بەهۆیەوە حوسێن سەلامی، فەرماندەی گشتیی سوپای پاسداران و جەنەراڵ غوڵام عەلی رەشید، فەرماندە قەرارگای ناوەندیی خاتەمول ئەمبیا، د.محەممەد مەهدی تهرانچی، سەرۆکی زانکۆی ئازاد و  د.فەرەیدوون عەباسی، سەرۆکی پێشووتری رێکخراوی وزەی ئەتۆمی ئێران، عەلی شەمخانی، ڕاوێژکاری باڵای خامنەیی کوژراون. 

 

لێدوانی فەرمی: عەلی خامنەیی، ڕێبەری باڵای کۆماری ئیسلامی ئێران لەبارەی هێرشی ئیسرائیل بۆ سەر ئێران ڕایگەیاند:  ڕژێمی زایۆنی بەرەبەیانی ئەمڕۆ، دەستی پیس و خوێناویی خۆی گەیاندە وڵاتە خۆشەویستەكەمان و زاتی پیسی خۆی بە ئامانجگرتنی شوێنی نیشتەجێبوونی خەڵكی مەدەنی زیاتر ئاشكرا كرد. ڕژێمی ئیسرائیل دەبێت چاوەڕوانی سزایەكی قورس بێت.

- دەستی بەهێزی هێزە چەكدارەكانی كۆماری ئیسلامی، وازی لێ ناهێنێت بە ئیزنی خوا. لە هێرشی دوژمندا، چەند كەس لە فەرماندە و زاناكان شەهید بوونە. جێگەرەوە و هاوكارەكانیان بێ وەستن ئەركی خۆیان جێبەجێ دەكەن ئینشەڵڵا.

- ڕژێمی زایۆنی بەم تاوانە، چارەنووسێكی تاڵ و خراپی بۆ خۆی دروست كرد و بێ ئەملاو و ئەولا ئەو چارەنووسە وەردەگرێـت.