گوتێرێز داوایەک لە ئێران و ئیسرائیل دەکات: کاتی ئەوەیە بووەستن

ئاڤا نیوز

 

ئەنتۆنیۆ گوتێرێز، سکرترێری گشتیی نەتەوەیەکگرتووەکان داوا لە ئێران و ئیسرائیل دەکات، شەڕ و گرژییەکانی نێوانیان ڕابگرن و دەڵێت، "کاتی ئەوەیە بوەستن."

 

وێنە گەورەکە: بەرەبەیانیی ڕۆژی هەینی ئیسرائیل لەڕێگەی 200 فڕۆکەی جەنگی هێرشی کردە سەر بنکە ئەتۆمییەکانی ئێران و شوێنی مانەوەی زانا ئەتۆمییەکان و سەرکردە سەربازییەکان، لە ئەنجامدا دەیان بنکەی ئەتۆمی خاپوور کرد و دەیان زانا و سەرکردەی سەربازی کوشت.

 

لێدوانی فەرمی: ئەنتۆنیۆ گوتێرێز، سکرتێری گشتیی نەتەوەیەکگرتووەکان لە تۆڕی کۆمەڵایەتیی 'ئێکس' نووسیوویەتی، " ئاڵۆزترکردنی دۆخەکە بەسە، کاتی ئەوەیە بووەستن، دیپلۆماسییەت و ئاشتی دەبێت زاڵ بن".

 

لەلایەکی دیکە: دۆناڵد ترەمپ، سەرۆکی ئەمریکا لەبارەی هێرشەکەی ئیسرائیلی هاوپەیمانیی بۆ سەر چەند ئامانجێک لە ناوخۆی ئێران گوتی، ئەو هێرشانە 10 هێندە بەهێزتر بوون لەوەی ئێران پێشبینی دەکردن.

 

زیانەکان: بەگوێرەی زانیاریی میدیاکانی ئیسرائیل، لە ئاکامی هێرشەکەی ئێران بۆ سەر ئیسرائیل نزیکەی 20 کەس برینداربوون، سێ کەسیش بەهۆی هێرشەکانەوە گیانیان لەدەست داوە. هاوکات لە ئەنجامی هێرشەکانی ئیسرائیل بۆ سەر ئێران، نزیکەی 78 کەس گیانیان لەدەست دا و 320 کەسی دیکەش برینداربوون.