وڵاتانی جیهان قسەیان لەبارەی جەنگی ئێران و ئیسرائیل هەیە

ئاڤا نیوز

 

دوای هێرشە پێشوەختەکەی بەرەبەیانی ڕۆژی هەینی ئیسرائیل بۆ سەر ئێران و دواتر وەڵامدانەوەی تاران لە ڕێگەی نزیکەی 150 مووشەکی بالیستیکی و دوورمەوداوە، وڵاتانی جیهان هاتنە دەنگ و  ئەمریکا، کەنەدا، چین و یەکێتیی ئەوروپا هەموویان قسەی خۆیان لەبارەی جەنگەکەوە هەیە.

 

کاردانەوەکان: چین هێرشەکەی ئیسرائیلی بۆ سەر ئێران بەتووندی سەرکۆنە کرد و دەڵێت، "ئەمە پێشێلکردنی سەروەریی خاکی ئێرانە".

 

- ئەمریکا؛ دۆناڵد ترەمپ سەرۆکی ئەمریکا داوای لە تاران کرد ڕێککەوتنی ئەتۆمیی بکات. هاوکات ترەمپ گوتیشی، "ئێران 10 هێندە بەهێزتر هێرشی کرایە سەر کە پێشبینی دەکرد".

 

- یەکێتیی ئەوروپا دووپاتیدەکاتەوە کە ئیسرائیل مافی ئەوەی هەیە بەرگریی لە خۆی بکات.

 

- هەرچی پەیوەستە بە نەتەوەیەکگرتووەکان، ئەتۆنیۆ گۆتێرسی سکرتێری گشتیی ڕێکخراوەکە داوای وەستاندنی گرژییەکان دەکات و دەڵێت، "کاتی ڕاگرتنیەتی".

 

زیانەکان: بەگوێرەی زانیاریی میدیاکانی ئیسرائیل، لە ئاکامی هێرشەکەی ئێران بۆ سەر ئیسرائیل نزیکەی 20 کەس برینداربوون، سێ کەسیش گیانی لەدەست داوە. هاوکات لە ئەنجامی هێرشەکانی ئیسرائیل بۆ سەر ئێران، نزیکەی 78 کەس گیانیان لەدەست دا و 320 کەسی دیکەش برینداربوون.