وەزارەتی نەوتی ئێران: دوو کۆگای سووتەمەنی لە تاران کرانە ئامانج

ئاڤا نیوز

ئیسرائیل هێرشی کردووەتە سەر کۆگای سەرەکی سووتەمەنی تارانی پایتەختی ئێران و تەقینەوەیەکی گەورە تێیدا ڕوویداوە.

 

وێنە گەورەکە: ئێران و ئیسرائیل لەڕێگەی هێرشی مووشەکی و درۆنی و ئاسمانییەوە بەردەوامن لە بۆردوومانکردنی یەکدی، کە بووەتە هۆی کوژرانی دەیان کەس و برینداربوونی سەدانی دیکە لە هەردوولا.

ڕاگەیێنراوی فەرمی: وەزارەتی نەوتی ئێران ڕایگەیاند، کۆگای نەوتی شەهران و تانکییەکی سووتەمەنی لە باشووری تاران لەلایەن ئیسرائیلەوە کراونەتە ئامانج و دۆخەکە لە ژێر کۆنتڕۆڵدایە.

زانیاریی زیاتر: بەپێی ڕاپۆرتە سەرەتاییەکان بڕی سووتەمەنی ئەم دوو شوێنە زۆر نەبووە و دۆخەکە بەتەواوی لەژێر کۆنترۆڵدایە.

 

کاریگەری و لێکەوتەکان:  میدیا جیهانییەکان بڵاویانکردەوە، نرخی ئێستای نەوتی برێنێت 74 دۆلارە بۆ هەر بەرمیلێک، کە بە نزیکەیی 10 دۆلار زیاترە لە نرخەکەی پێشووی.