هێرشی ئاسمانی ئیسرائیل بۆ سەر ئێران بەردەوامە و تاران و چەند شارێکی دیکە دەسووتێن

ئاڤا نیوز

ئیسرائیل بە دەیان فڕۆکە و درۆن هێرشی بۆ سەر ئێران دەستپێکرد، کۆگای سەرەکی سووتەمەنی تارانی کردە ئامانج و ئاگرێکی گەورە کەوتەوە.

چیرۆکی سەرەکی: لە بەرامبەر هێرشە مووشەکییەکانی ئێران، ئیسرائیل بە درۆن و مووشەک هێرشی کردە سەر تاران و کۆگایەکی سەرەکی سووتەمەنی کردە ئامانج.

زانیاریی بەدەستهاتوو: بەپێی ڕاگەیێنراوی وەزارەتی نەوتی ئێران، لە ئەنجامی هێرشەکە کۆگای نەوتی شەهران و تانکییەکی سووتەمەنی لە باشووری تاران کراونەتە ئامانج، بەڵام دۆخەکە زوو کۆنتڕۆڵکرا.

لەلایەکی دیکەوە:  کەناڵ 14ـی ئیسرائیلی بڵاوی کردووەتەوە، ئیسرائیل هێرشی کردووەتە سەر وەزارەتی بەرگری، بارەگای ئەتۆمی، تاقیگە ئەتۆمییەکان و دامەزراوە نەوتییەکان لە تاران.