ئێران بە درۆن و مووشەک تەلئەڤیڤی بۆردوومان کردەوە

ئاڤا نیوز

 

کۆماری ئیسلامیی ئێران لە ڕێگەی دەیان درۆن و مووشەکەوە هێرشی کرد سەر تەلئەڤیڤی پایتەختی ئیسرائیل.

 

وێنە گەورەکە: ئێران و ئیسرائیل لەڕێگەی هێرشی مووشەکی و درۆنی و ئاسمانییەوە بەردەوامن لە بۆردوومانکردنی یەکدی، کە بووەتە هۆی کوژرانی دەیان کەس و برینداربوونی سەدانی دیکە لە هەردوولا.

 

ئەوەی ئێستە ڕوودەدات: کەمێک پێش ئێستا ئێران لە ڕێگەی مووشەکی بالیستیکی و درۆنەوە هێرشێکی فراوانی کردە سەر حەیفا و تەلئەڤیڤی ئیسرائیل. بەگوێرەی میدیا ئیسرائیلییەکان هێرشەکە زیانی زۆری ماددی بەو شوێنانە گەیاندووە، بەڵام تائێستا ژمارەی کوژرا و برینداران بڵاو نەکراوەتەوە.

 

ڕاگەیێنراوی فەرمی: پێشتر میدیاکانی ئیسرائیل بڵاویان کردەوە، هێزی ئاسمانیی ئیسرائیل خۆی بۆ بەرپەرچدانەوەی کاروانێکی درۆنی ئێران لە باکووری ئیسرائیل ئامادە دەکات.

 

ئەوەی پێویستە بیزانیت: هاوکات دەزگا ئەمنییەکانی ئیسرائیل داوایان لە هاووڵاتیان کردووە لە نزیک پەناگە و ژێرزەمینەکان بمێننەوە تاوەکو سەلامەت بن.

 

لەلایەکی دیکە: بەگوێرەی زانیاریی میدیا ئیسرائیلییەکان، دوو کەس بەتۆمەتی سیخوڕیکردن بۆ ئێران لەلایەن دەزگا ئەمنییەکانی ئیسرائیلەوە دەستگیرکراون.

 

ئەمەش بزانە: میدیاکانی ئیسرائیل ئەوەیان ئاشکرا نەکردووە کە چۆن و لە کوێ ئەو دوو کەسە دەستگیرکراون.