حووسییەکان بە مووشەکی بالیستی ئیسرائیل بەئامانج دەگرن

ئاڤا نیوز

 

گرووپی چەکداریی "حووسییەکان" ڕایگەیاند، بە چەندین مووشەکی "بالیستی خێراتر لە دەنگ" پێگەیەکی "هەستیاری" ئیسرائیلیان لە ناوچەی یافا کردووەتە ئامانج.

 

وێنە گەورەکان: شەوی شەممە 14ی حوزەیرانی 2025، ئیسرائیل هێرشی کردە سەر حووسییەکانی یەمەن و ئێران و چەند سەرکردەیەکی حووسییەکانی کردووەتە ئامانج، لە بەرامبەردا، ئێران بە چەند قۆناغێک دەیان مووشەکی بالیستی و درۆنی ئاڕاستەی ئیسرائیل کرد هاوکات حووسییەکانی یەمەنیش چەند پێگەیەکیان لە ئیسرائیل کردە ئامانج.

 

ڕاگەیێنراوی فەرمی: یەحیا سەریع، وتەبێژی حووسییەکان ڕایگەیاند: لە 24 کاتژمێری ڕابردوودا، بە چەند مووشەکێکی بالیستیی خێراتر لە دەنگ چەند ئامانجێکی ئیسرائیلی دوژمنمان لە ناوچەی یافا کردە ئامانج.

 

-    ئەم ئۆپراسیۆنە هاوکاتە لەگەڵ ئۆپەراسیۆنەکانی سوپای ئێران و سوپای پاسداران دژ بە ئیسرائیل، لەپێناو سەرخستنی گەلانی فەلەستین و ئێرانی ستەملێکراو.

 

لەلایەکی دیکەوە: سوپای ئیسرائیل ڕایگەیاند:  ئۆپەراسیۆنە سەربازییەکانمان بۆ سەر یەمەن هەوڵێكە بۆ بە ئامانجگرتنی بەرپرسێکی حووسییەکان و لێکۆڵینەوەش لە ئەنجامی هێرشەکان دەکرێت.
 

ئەمەش بزانە: هاوکات میدیای ئەمریکی لە زاری بەرپرسێکی ئیسرائیلی ڕایگەیاند: ئیسرائیل هەوڵی تیرۆرکردنی محەممەد عەبدولکەریم ‌غەماری، سەرۆکی ئەرکانی حووسییەکانی داوە.