ئەمریکا داواکارییەکی ئیسرائیلی ڕەتکردووەتەوە

ئاڤا نیوز

 

سەبارەت بە هاوکارییکردنی ئیسرائیل دژ بە هێرشەکانی ئێران، ئاژانسی هەواڵیی ئەکسیۆس لەزاری بەرپرسانی ئیسرائیلەوە ئاشکرای دەکات، ئیدارەی ترەمپ ڕەتکردووتەوە بۆ ئێستا بەشداریی ململانێیەکان بکات.

زانیاریی بەدەستهاتوو: ئەکسیۆس لە زاری دوو بەرپرسی ئیسرائیلی ئاشکرای دەکات، لە 48 کاتژمێری ڕابردوودا ئیسرائیل داوای لە ئیدارەی ترەمپ کردووە بەشداریی لە هێرشکردنە سەر دامەزراوە ئەتۆمی و سەربازییەکانی ئێران بکات، ئیدارەی ترەمپ ڕەتکردووتەوە بۆ ئێستا بەشداریی ململانێیەکاندا بکات.

ئەوەی لەبارەیەوە دەگوترێت: لە ماوەی دوو رۆژی ڕابردوودا ئیسرائیل داوای لە ئەمریکا کردووە بەشداریی لە هەڵمەتە سەربازییە تازەکەیدا بکات دژی ئێران، بەڵام ئەمریکا بیر لە هەنگاوێکی لەو شێوەیە ناکاتەوە.

لەلایەکی دیکەوە: سەرۆکی ئەمریکا لەبارەی هێرشەکانی ئیسرائیل و ئێرانەوە پەیامێکی بڵاوکردەوە و ئاشکرای کرد ئەمریکا پەیوەندی بەم هێرشەوە نییە، دوای ئەمەش وەزیری دەرەوەی ئێران دەستی تۆمەتی بۆ ئێران درێژکرد ئاماژەی بەوەکرد کە ئەمریکا بەشدارە لەگەڵ ئیسرائیل و بەڵگەیان هەیە.

قووڵتر: هەرچەندە بەرپرسێکی باڵای کۆشکی سپی بۆ هەمان ئاژانس قسەی کردووە و دەڵێت، ناتوانین ڕێگری لە ڕووداوەکان بکەین، بەڵام دەتوانین توانای لە ڕێگەی دانووستانەوە بگەینە ڕێگەیەکی ئاشتییانە و هاوکات خێراترین ڕێگە بۆ ئێران بۆ گەیشتن بە ئاشتی، وازهێنانە لە بەرنامەی چەکی ئەتۆمییەکەی.

کاریگەری و لێکەوتەکان: هەموو ئەمانە لە کاتێکدایە کە شەڕی نێوان ئێران و ئیسرائیل لە ڕۆژی هەینییەوە دەستیپێکردووە، هەرچەندە ئەمریکا بە فەرمی ڕەتیکردووەتەوە بەشداریی ڕاستەوخۆی سەربازی بکات، بەڵام پشتیوانیی لۆجستی و هەواڵگری و دیپلۆماسیی خۆی بۆ ئیسرائیل دووپاتکردووەتەوە. پێشتر میدیای ئەمریکا ئاشکرای کردبوو کە ئۆپەراسیۆنەکەی ئیسرائیل "ڕەزامەندیی شاراوە"ی ئەمریکای هەیە و چەندین هەفتە دەخایێنێت