نەتانیاهۆ کوشتنی بەرپرسی ئیتڵاعات و جێگرەکەی ڕاگەیاند

ئاڤا نیوز

گرژییەکانی نێوان ئیسرائیل و ئێران گەیشتووەتە قۆناغێکی نوێ و نەتانیاهۆش دەڵێت، ڕەنگە سیستمی حوکمڕانی لە ئێران بگۆڕن.

لێدوانی فەرمی: بنیامین نەتەنیاهۆ سەرۆکوەزیرانی ئیسرائیل بە فۆکس نیوزی ڕاگەیاند: " ڕێگەنادەین ئێران ببێتە خاوەنی چەکی ئەتۆم، چونکە ئەگەر ببێتە خاوەنی دەیگەیەنێتە حووسییەکان و لایەنەکانی دیکە".

ئاماژەی بەوەش کرد، سوورین لەسەر تەواوکردنی ئەرکەکەمان لە ئێراندا و ئێستا ڕژێمی ئێران زۆر لاوازە، ڕەنگە ئامانجی ئێمە لە ئێران گۆڕینی ڕژێم بێت.

نەتەنیاهۆ لەبارەی هێرشەکانیان بۆ سەر ئێران دەڵێت، بەرپرسی ئیتلاعاتی سوپای پاسداران محەممەد کازمی و جێگرەکەیمان بەناوی حەسەن موحەقق لە تاران کوشتووە.