ئێران شەپۆلێکی دیکەی مووشەکی ئاراستەی تەلئەبیب کرد

ئاڤا نیوز

ئێران تەنها لەماوەی چەند کاتژمێرێکدا دوو شەپۆلی مووشەکی ئاراستەی ئیسرائیل دەکات. 

چیرۆکی سەرەکی: گرژی و ئاڵۆزییەکانی نێوان ئیسرائیل و ئێران تا دێت تەشەنە دەسەنێت، هەردوولا هێرشی یەک لەدوا یەک دەکەنە سەر یەکتری و هەڕەشەی فراوانترکردنی جەنگیش دەکەن، ئێران تەنها لەماوەی چەند کاتژمێری ڕابردوودا دوو شەپۆلی مووشەکی ئاراستەی ئیسرائیل کردووە.

زانیاریی بەدەستهاتوو: ئێران دوای چەند کاتژمێرێک لە هێرشی یەکەمی، جارێکی دیکە بە 30 مووشەک شەپۆلێکی دیکەی هیرشەکانی بۆ سەر ئیسرائیل دەستپێکردەوە. 

 

زانیاریی زیاتر: بەگوێرەی زانیاریی میدیاکانی ئێران ئەمجارە لە سێ سەکۆی نوێوە هێرشەکانی بۆ سەر تەلئەبیب و حەیفا ئەنجامداوە. 

لەلایەکی دیکەوە: میدیاکانی ئیسرائیل بڵاویانکردووەتەوە کە سیستیمی بەرپەرچدانەوەی خێرای مووشەکی سەرجەم درۆن و مووشەکەکانی ئێرانی خستووەتە خوارەوە.