ڕووسیا بۆ ئیسرائیل: دەستبەجێ هێرشەكانت بۆ سەر وێستگەی ئەتۆمیی بوشەهر ڕابگرە

ئاڤا نیوز

 

ئیسرائیل بەردەوامە لە بۆردوومانكردنی ئەو ناوچانەی کە نزیکن لە وێستگە ئەتۆمییەکانی ئێران و ڕووسیاش لەبارەی بۆردوومانكردنی وێستگەی ئەتۆمیی بوشەهیر، هۆشداریی دەدات.

زانیاریی بەدەستهاتوو: بەپێی هەواڵێكی ماڵپەری سكای نیوز، ئەمڕۆ پێنجشەممە ڕووسیا بە فەرمی داوای لە ئیسرائیل كردووە كە دەستبەجێ هێرشە ئاسمانییەكانی بۆ سەر وێستگەی ئەتۆمیی بوشەهیر لە ئێران ڕابگرێت، بەپێی هەواڵی ماڵپەڕەكە هۆكاری ئەو داوایەی ڕووسیا بۆ ئەوە دەگەڕێتەوە كە ژمارەیەك لە شارەزایانی ڕووسی لەو وێستگەیە كار دەكەن.

 

زانیاریی زیاتر: هەر ئەمڕۆ ڕووسیا هۆشداریشی داوەتە ئەمریكا لە دەستوەردانی ڕاستەوخۆی سەربازی لە جەنگی ئیسرائیل و ئێران.

ئەوەی پێویستە بیزانیت: پێشووتر گوتەبێژی سوپای ئیسرائیل ڕایگەیاندووە كە بۆردوومانی وێستگە ئەتۆمییەكانی بوشەهر و ئەسفەهان و نەتەزیان لەنێو خاكی ئێران كردووە و بەردەوامیش دەبن.