پەیامێکی نوێ لە کۆشکی سپییەوە بۆ ئێران: چانسێک ماوە بۆ گفتوگۆ

ئاڤا نیوز

 

وتەبێژی کۆشکی ڕایدەگەیێنێت، بڕیاری بەشداری ئەمریکا لە هێرشکردنی سەر ئێران بۆ لەماوەی دوو هەفتەی داهاتوو دەبێت، هاوکات ئەوەشی وت، "متمانە بە سەرۆک ترامپ بکەن؛ رێگە نادات ئێران خاوەنی چەکی ئەتۆمی بێت".

لێدوانی فەرمی: كارۆلین لیڤیت، وتەبێژی کۆشکی سپی، لە كۆنگرەیەكی رۆژنامەوانیدا ڕایگەیاند، دەرفەتێکی گەورە هەیە بۆ دانوستان، ڕەنگە لەگەڵ ئێران بەمزوانە ئەنجام بدرێت یان نا. هاوکات ترەمپ لە ماوەی دوو هەفتەدا بڕیاری خۆی لەبارەی ئێران دەدات.

وتەبێژی کۆشکی سپی ئەمانەشی وت:

-    بەدواداچوون بۆ سەردانەکانی ویتکۆف ناکەم، بەڵام پەیوەندییەکانی لەگەڵ ئێرانییەکان بەردەوام بووە.
-    هیچ ئاماژەیەک نییە کە چین دەستوەردانی سەربازی لە جەنگی ئێران و ئیسرائیل بکات.
-    ئیدارەی ترەمپ ئامادەیە بەرگری لە بەرژەوەندییەکانی ئەمریکا بکات.
-    بە هەموو شێوەیەک هاوکاریی سوپای ئیسرائیل دەکەین بۆ لێدان لە ژێرخانی ئێران.
-    کەس نابێت بە بڕیارەکانی سەرۆک ترەمپ لەبارەی ئێران تووشی سەرسووڕمان بێت.
-    تاوەکو دەرفەتی دانوستاندن هەبێت سەرۆک ترەمپ بژاردەی جەنگ هەڵنابژێرێت.