فەرەنسا: ئێران هەڕەشەیە بۆ سەر ڕۆژهەڵاتی ناوەڕاست و جیهان

ئاڤا نیوز

باڵیۆزی فەرەنسا لە ئەنجومەنی ئاسایشی نێودەوڵەتیی داوای دەستبەجێ کۆتایهێنان بە جەنگی نێوان ئیسرائیل و ئێران دەکات و دەڵێت ئێران هەڕەشەیە بۆ سەر ڕۆژهەڵاتی ناوەڕاست.

چیرۆکی سەرەکی: ئەمڕۆ ئەنجومەنی ئاسایشی نێودەوڵەتیی لە بارەگای سەرەکی نەتەوەیەکگرتووەکان لە نیویۆرک کۆبوونەوەی نائاسایی خۆی ئەنجام دا، پرسی سەرەکی کۆبوونەوەکە جەنگی نێوان ئێران و ئیسرائیل بوو، دەوڵەتان هەوڵی دۆزینەوەی ڕێگەچارەیەک دەدەن بۆ کۆتایهێنان بە جەنگ.

لێدوانی فەرمی: نیکۆڵاس دی ڕیڤیەر، باڵیۆزی فەرەنسا لە نەتەوەیەکگرتووەکان لە وتارێکدا لە کۆبوونەوەکە ڕایگەیاند: پێویستە دەسبەجێ کۆتایی بەم جەنگە بهێنرێت و ڕێگە بە ئێران نەدرێت بە هیچ شێوەیەک ببێتە خاوەنی چەکی ئەتۆم، هەرچەندە ئێران چەندین دەرفەتی پێدرا، بەڵام نەیتوانی بیقۆزێتەوە و پابەندی یاسا و ڕێککەوتنە ئۆتۆمییەکان نەبوو.

زانیاریت زیاتر: باڵیۆزی فەرەنسا لە نەتەوەیەکگرتووەکان گوتیشی: لە ئێستادا ئێران بووەتە هەڕەشە بۆ سەر ڕۆژهەڵاتی ناوەڕاست و تاکە بژاردەی ئێران گەڕانەوەیە بۆ سەر مێزی گفتوگۆ و چارەسەرکردنی ناکۆکیەکان بە ڕێگەی دیپلۆماسی.