وەزارەتی دەرەوەی ئەمریکا: تا ئێستا بڕیار لە هاوکاریکردنی ئیسرائیل نەدراوە

ئاڤا نیوز

وتەبێژی وەزارەتی دەرەوەی ئەمریکا ڕایدەگەیەنێت وڵاتەکەی جەخت لەسەر هەڵوێستی نەگۆڕی خۆی دەکاتەوە و ڕێگە بە ئێران نادات ببێت بە خاوەنی چەکی ئەتۆم.

وێنە گەورەکە: هێرشە مووشەکییەکانی ئیسرائیل و ئێران ماوەی هەفتەیەکە بۆ سەر یەک بەردەوامە، هەوڵەکان بۆ هێورکردنەوەی بارودۆخەکە و کۆتاییهێنان بە جەنگەکە بەردەوامن، چاوەکانیش لەسەر ئەمریکان بۆ بەشداریکردن لەو جەنگە.

لێدوانی فەرمی: تامی بروس، وتەبێژی وەزارەتی دەرەوەی ئەمریکا لە کۆنگرەیەکی ڕۆژنامەوانیدا ڕایگەیاند: سەرۆک ترەمپ بڕیاری کۆتایی خۆی ڕاگەیاندووە و ڕێگە نادات ئێران ببێت بە خاوەنی چەکی ئەتۆم، هەروەک ڕۆژی ڕابردوو وتەبێژی کۆشکی سپی وتی، سەرۆکی ترەمپ ڕاگەیاند بەوەی لە ماوەی دوو هەفتەی داهاتوودا بڕیاری بەشداری یان بەشدارینەکردنی ئەمریکا لە جەنگی نێوان ئیسرائیل و ئێران یەکلا دەبێتەوە و ڕادەگەیەنرێت.

زانیاریی زیاتر: وتەبێژی وەزارەتی دەرەوەی ئەمریکا گوتیشی: وەزیری دەرەوە و سەرۆک ترەمپ جەخت لەسەر ڕێگەچارەی ئاشتی دەکەنەوە و پێیانوایە هێشتا دەرفەتی گفتوگۆ و دانوستاندن بوونی هەیە.