کەشتیی سەربازیی وێرانکەری ئەمریکی گەیشتە ڕۆژهەڵاتی ناوەڕاست

ئاڤا نیوز

کەشتی سەربازیی یو ئێس ئێس ئارلی بێرگە کە مووشەکی ڕێنماییکراویی لە جۆرەکانی ئێس ئێم 2، ئێس ئێم 3، ئێس ئێم 6ـی هەڵگرتووە و توانایان هەیە ڕێگری لە مووشەکی بالیستی و فڕۆکەی بێفڕۆکەوان بکەن، گەیشتە ڕۆژهەڵاتی ناوەڕاست.

وێنە گەورەکە: لە دوای 7ـی ئۆکتۆبەر و هێرشەکانی حەماس بۆ سەر ئیسرائیل، ڕێژەی زیادبوونی هێزەکانی ئەمریکا لە ناوچەی بەرپرسیارێتی فەرماندەی ناوەندی ئەمریکا لە 8%ـەوە زیادیکردووە بۆ 41%.

زانیاریی بەدەستهاتوو:  وۆڵ ستریت جۆرناڵی ئەمریکی بڵاوی کردووەتەوە، کەشتی سەربازیی یو ئێس ئێس ئارلی بێرگە کە یەکێکە لە گەورەترین و کۆنترین کەشتی سەربازیی لەسەر ئاستی جیهان و وێرانکەرە، گەیشتە ڕۆژهەڵاتی ناوەڕاست.

ئەوەی پێویستە بیزانیت: بە گەیشتنی کەشتی سەربازیی یو ئێس ئێس ئارلی بێرگە، زیاتر لە 13 کەشتی جەنگی ئەمریکا لە ڕۆژهەڵاتی ناوەڕاست دەبن و بە وتەی بەرپرسانی ئەمریکاش لە ئامادەباشیدا دەبن بۆ هەر مەترسییەک بەهۆی گرژییەکانی نێوان ئیسرائیل و ئێران بۆ سەر بەرژەوەندییەکانی ئەمریکا لە ناوچەکەدا دروست ببن.