22 کەس بەتۆمەتی سیخوڕیکردن بۆ ئیسرائیل لە ئێران دەستگرکران

ئاڤا نیوز

 

پۆلیسی پارێزگای قووم ڕایگەیاند: تەنها لەماوەی هەشت ڕۆژدا، 22 کەس بە تۆمەتی سیخوڕیکردن بۆ ئیسرائیل دەستگیرکراون. 

 

وێنە گەورەکە: تەنها دوای نۆ ڕۆژ لە جەنگی نێوان ئیسرائیل و ئێران، سوپای پاسداران چەندین جار ڕاگەیێنراوی لەبارەی دەستگیرکردن و دەستبەسەرداگرتنی کەلوپەلی ئەو کەسانە بڵاوکردووەتەوە کە کاریان بۆ ئیسرائیل کردووە و بەوە تۆمەتباری کردوون کە هەوڵیانداوە دەرفەت بقۆزنەوە بۆ ئەو چالاکی نهێنی تێکدەرانە لە سەرتاسەری وڵات ئەنجام بدەن. 

 

بڵاوکراوەی فەرمی: ئاژانسی فارس بە پشت بەستن بە زانیارییەکانی بەرپرسی هەواڵگری پۆلیسی پارێزگای قووم بڵاویکردووەتەوە، لەماوەی نۆ ڕۆژی ڕابردوودا 22 کەس بە تۆمەتی بوونی پەیوەندی بە ئیسرائیل و ئەنجامدانی کاری سیخوڕی و کاری نهێنی بۆ ئەو وڵاتە دەستگیرکراون.

 

زانیاریی زیاتر: میدیاکانی  ئێران بڵاویانکردەوە کە ڕۆژی پێنجشەممەی ڕابردووش، 24 کەس دەستبەسەر کراون بە تۆمەتی کارکردن بۆ گۆڕینی ڕایگشتیی لە بەرژەوەندی ئیسرائیل. 

 

لەلایەکی دیکەوە: ئاژانسی هەواڵی تەسنیم، دەستگیرکردنی هاووڵاتییەکی ئەوروپی لە ئێران ڕاگەیاند کە کاری سیخوڕی بۆ ئیسرائیل کردووە و تاوەکو ئێستا ناسنامەی ئاشکرا نەکردووە.