کوژرانی زانایەکی دیکەی ئەتۆمی ئێرانی ڕاگەیێنرا

ئاڤا نیوز

ئاژانسی هەواڵی میهر بڵاویکردوەتەوە، هەفتەی پێشوو زانایەکی دیکەی ئەتۆمی خۆی و هاوسەرەکەی لە ماڵەکەیان کوژراون.

 

وێنە گەورەکە: ماوەی 9 ڕۆژە هێرشی ئیسرائیل بۆسەر ئێران بەردەوامی هەیە، ئامانجی ئیسرائیل لەناوبردنی دۆسیەی ئەتۆمی ئێران و کوشتنی زانا ئەتۆمییەکانی ئەو وڵاتەیە.

 

ڕاگەیێنراوی فەرمی: ئاژانسی هەواڵی میهر دەڵێت: زانای بواری ئەتۆمی ئەیسار تەباتەبائی لەگەڵ هاوسەرەکەی مەنسورە حاجی سالم هەفتەی پێشوو لە ماڵەکەیان لەلایەن ئیسرائیلەوە کوژراون.

 

ئەمەش بزانە: ئەیسار تەباتەبائی، ساڵی 2004 ماستەری لە ئەندازیاری میکانیکی وەرگرتووە، ساڵی 2007 دکتۆرای لە هەمان بوار وەرگرتووە و زانای بواری ئەتۆم بووە، ماوەیەکی زۆر لە پیشەسازی ئەتۆمی ئێران کاری کردووە.

 

لەلایەکی دیکەوە: کەناڵی 12ـی ئیسرائیل دەڵێت: لەماوەی ئەم جەنگەدا ئیسرائیل توانیویەتی 17 زانای ئەتۆمی ئێرانی بکوژێت.