هەژماری فەرمیی بەرهەم ساڵح هاک دەکرێت؛ڕیکلامێکی تێدا بڵاودەکرێتەوە

ئاڤا نیوز

کەمێک لەمەوبەر هەژماری فەرمی سەرۆککۆماری پێشووی عێراق لە تۆڕی ئێکس (تویتەری پێشوو) هاکرا و ڕیکلامی دراوێکی ئەلیکترۆنی تێدا بڵاوکرایەوە.

ئەوەی پێویستە بیزانیت: هەژماری فەرمی بەرهەم ساڵح، سەرۆککۆماری پێشووی عێراق لە ئێکس ساڵی 2009 دامەزرێنراوە و خاوەنی ملیۆنێک و 100 هەزار فۆلۆوەرسە، لەلایەن تۆڕی ئێکس (تویتەری پێشوو) بەفەرمی ناسێنراوە.

بینراو و بیستراو: کاتژمێر 10:25 خولەکی ئەمشەو، هەژماری فەرمی بەرهەم ساڵح، لە تۆڕی ئێکس هاککرا و تیایدا ڕیکلامی دراوێکی ئەلیکترۆنی بەناوی (IRAQ coin$) بڵاوکراوەتەوە، هاوکات لەگەڵ پۆستەکەشدا وێنەی ئاڵایەکی پێشووتری عێراق لە ساڵانی (1963-1991) تیایدا بڵاوکراوەتەوە.

زانیاریی زیاتر: لەگەڵ پۆستەکەدا کە دوای هاککردنی لە هەژماری بەرهەم ساڵحدا بڵاوکراوەتەوە، نوسراوێکیش دانراوە کە دیسان ئەویش وەسفی ئەو دراوە ئەلیکترۆنییە دەکات کە ناوی هێنراوە.