ترەمپ جارێکی دیکە لەگەڵ تیمی ئاسایشی نیشتمانی وڵاتەکەی کۆدەبێتەوە

ئاڤا نیوز

لەژێر ڕۆشنایی پێشهاتە تازەکانی ئەمریکا و ڕووبەڕووبوونەوەی لەگەڵ ئێران، سەرۆکی ئەمریکا جارێکی دیکە لەگەڵ تیمی ئاسایشی نیشتمانی وڵاتەکەی کۆدەبێتەوە.

زانیاریی بەدەستهاتوو: بەگوێرەی ئەو زانیارییانەی دەست ئەکسیۆس کەوتوون، ''دۆناڵد ترەمپ، سەرۆکی ئەمریکا، ئەمڕۆ دووشەممە جارێکی دیکە لەگەڵ تیمی ئاسایشی نیشتمانی وڵاتەکەی کۆدەبێتەوە.''

ئەوەی لەبارەیەوە دەگوترێت: کۆبوونەوەکە تایبەت دەبێت بە تاوتوێکردنی دەرئەنجامەکانی هێرشی ئەمریکا بۆ سەر دامەزراوە ئەتۆمییەکانی ئێران.

زانیاریی زیاتر: ترەمپ ئەم کۆبوونەوەیە جیاواز لە کۆبوونەوەکانی پێشوو لە ئۆفیسی خۆی ئەنجام دەدات، نەوەک لە ژووری بارە لەناکاوەکان.

باکگراوند: لە دەیەم ڕۆژی جەنگی نێوان ئێران و ئیسرائیل، بەرەبەیانیی ڕۆژی یەکشەممە 22-6-2025، هێزی ئاسمانیی ئەمریکا توانی هەر سێ دامەزراوەی ئەتۆمیی فۆردۆ، نەتەنز و ئەسفەهان  بۆردوومان بکات.