ترەمپ: سوپاسی ئێران دەکەین پێش هێرشەکە ئاگاداری کردین

ئاڤا نیوز

سەرۆکی ئەمریکا سوپاسی ئێران دەکات لەبەرامبەر ئاگادارکردنەوەیان بەر لەوەی هێرش بکرێتە سەر بنکە سەربازییەکەیان لە قەتەر. 

 

چیرۆکی سەرەکی: ئێوارەی ئەمرۆ دووشەممە وەکو کاردانەوەیەک لەبەرامبەر هێرشەکانی ئەمریکا بۆ سەر وێستگە ئەتۆمییەکانی ئێران، سوپای پاسداران بە مووشەکی بالیستی هێرشی کردە سەر بنکەی سەربازی عودەیدە لە قەتەر، ئەمەش کاردانەوەی فراوانی نێودەوڵەتی بەدوای خۆیدا هێنا. 

ڕاگەیێنراوی فەرمی: دۆناڵد ترەمپ، سەرۆکی ئەمریکا لە پەیامێکدا کە لە ترووس سۆشیاڵ بڵاویکردووەتەوە دەڵێت: سوپاسی ئەمیری قەتەر دەکەم بۆ هەموو ئەو کارانەی کە کردوویەتی، سەبارەت بە هێرشەکەی ئەمڕۆ لە بنکەی ئەمریکی لە قەتەر، بە خۆشحاڵییەوە ڕاپۆرت دەدەم کە جگە لەوەی هیچ ئەمریکییەک نەکوژراوە یان بریندار نەبووە، زۆر گرنگە، هیچ قەتەریەکیش نە کوژراو و بریندار نەبووە.

 

٠ لە بەشێكی دیکەی پەیامەکەیدا سەرۆکی ئەمریکا نووسیویەتی: ئێران زۆر بەلاوازی وەڵامی ئێمەی داوەتەوە، سوپاسیان دەکەم کە پێش ئەنجامدانی هێرشەکە ئاگاداری کردووینەتەوە. 

 

٠ ئێران 14 مووشەکی بەرەو ڕووی قەتەر تەقاندووە و 13 مووشەکیان خراوەتە خوارەوە و یەک دانەیان بەبێ مەترسی کەوتووتە خوارەوە. 

٠ ڕەنگە ئێستا ئێران بتوانین بەرەو ئاشتی و هاوسەنگی لە ناوچەکەدا هەنگاو بنێین، هەروەها هانی ئیسرائیلیش دەدەین بۆ ئەوەی هەمان کار بکات.
 

٠ پیرۆزە لە جیهان ئێستا کاتی ئاشتییە.