سوپای ئیسرائیل: مووشەکێکی حووسییەکانمان خستەخوارەوە

ئاڤا نیوز

مووشەکێک لە یەمەنەوە ئاراستەی ئیسرائیل کرا و لەلایەن سیستمی بەرگری ئیسرائیلەوە خرایە خوارەوە.

وێنە گەورەکە: دوای هەڵدانی مووشەکێک بە ئاراستەی ئیسرائیل لە چەندین ناوچەی ئەو وڵاتە زەنگی ئاگادارکردنەوە لێیدا.

ڕاگەیێنراوی فەرمی: سوپای ئیسرائیل لە بەیاننامەیەکدا ڕایگەیاند: "سیستمی بەرگریی ئاسمانیمان مووشەکێک کە لە یەمەنەوە هەڵدرابوو، خستە خوارەوە."

باکگراوند: لە دوای دەستپێکردنی شەڕی نێوان ئیسرائیل و حەماس لە 7ی 10ی 2023، چەکدارە حوسییەکانی یەمەن دەیان هێرشی مووشەکییان دژی ئیسرائیل و ئەو کەشتیانە ئەنجامداوە کە لە دەریای سووردا هاتووچۆ دەکەن و جەخت لەوە دەکەنەوە ئەم هەنگاوەیان وەک "پشتیوانییەک بۆ فەڵەستینییەکانە".