چەند تەقینەوەیەک گوندەوارەکانی ڕۆژهەڵاتی ئیدلب دەهەژێنێن

ئاڤا نیوز

ئێوارەی ئەمڕۆ چەند تەقینەوەیەکی یەک لە دوای یەک لە شارە جیاجیاکانی سووریا ڕوویاندا، بە هۆیەوە چەند کەسێک کوژران و بریندابوون.

زانیاریی بەدەستهاتوو: بەگوێرەی ڕوانگەی سووری بۆ مافەکانی مرۆڤ، ئێوارەی ئەمڕۆ، دەنگی چەندین تەقینەوەی بەهێز لە دەوروبەری شارۆچکەی فوعە لە گوندەوارەکانی ڕۆژهەڵاتی ئیدلب بیسترا، کە بووە هۆی بەرزبوونەوەی دووکەڵی چڕ لە شوێنی تەقینەوەکانەوە.

زانیاریی زیاتر: بە گوتەی ڕوانگەی سووری، تا ئێستا هیچ زانیارییەکی پشتڕاستکراوە سەبارەت بە بوونی زیانی گیانی نییە و هۆکاری تەقینەوەکانیش تا ئەم ساتە نادیارە.

لەلایەکی دیکەوە: ئەم تەقینەوانە دوای ماوەیەکی کەم دێت لە ڕوودانی تەقینەوەیەکی بەهێز لە گوندی جەبرین لە نزیک گەڕەکی مەزراب لە شاری حەما، کە بووە هۆی کوژرانی سێ کەس، لەنێویاندا منداڵێک هەیە، هاوکات برینداربوونی پێنج کەسی دیکە بە برینی جیاواز.

بەپێی سەرچاوەکان، تەقینەوەکە هەروەها بووەتە هۆی زیان گەیاندن بە ژمارەیەک ماڵ لە دەوروبەری شوێنی ڕووداوەکە. تا ئێستا سروشتی تەقینەوەکە و لایەنی بەرپرس لێی نەزانراوە و ترس و دڵەڕاوکێی لەنێو دانیشتووانی ئەو ناوچانە دروست کردووە.