ئێران بەهۆی بارودۆخی ئەمنییەوە جارێکی دیکە بەشێکی ئاسمانەکەی دادەخات

ئاڤا نیوز

بەهۆی بارودۆخی ئەمنییەوە، ده‌سه‌ڵاتدارانی ئێران بڕیاریان داوه‌ كه‌ ئاسمانی ناوه‌ڕاست و ڕۆژئاوای ئه‌و وڵاته‌ به‌ڕووی گه‌شته‌ نێوده‌وڵه‌تییه‌كانی ترانزێتدا دابخه‌ن.

چیرۆکی سەرەکی: بەهۆی مەترسی لە بۆردوومان و هێرشی ئیسرائیل و لە پێناو سەلامەتی گەشتیاران، حکومەتی ئێران بڕیاریدا جارێکی دیکە بەشێک لە ئاسمانی وڵاتەکەی بەڕووی گەشتە نێودەوڵەتیی و ترانزێتەکاندا دابخات.

لێدوانی فەرمی: مه‌جید ئیخوان، وته‌بێژی وه‌زاره‌تی ڕێگاوبان و گه‌شه‌پێدانی شاره‌كانی ئێران رایگه‌یاند: به‌ پشتبه‌ستن به‌ بڕیارێكی لیژنه‌ی هه‌ماهه‌نگی ڕێكخراوی فڕۆكه‌وانی مه‌ده‌نی و پێداچوونه‌وه‌ به‌ ئاسایش و سه‌لامه‌تی له‌ ژێر باروودۆخی ئێستادا، ئاسمانی ناوه‌ڕاست و ڕۆژئاوای وڵات جارێكی دیكه‌ به‌ ڕووی گه‌شته‌ نێوده‌وڵه‌تییه‌كانی ترانزێتدا داخراوه‌.

زانیاریی زیاتر: بە گوتەی مه‌جید ئیخوان، ئاسمان به‌سه‌ر نیوه‌ی ڕۆژهه‌ڵاتی وڵاتدا به‌ڕووی گه‌شته‌ ناوخۆیی و نێوده‌وڵه‌تییه‌كان و هه‌روه‌ها گه‌شته‌ ترانزێتییه‌كان كه‌ به‌ ئێراندا تێده‌په‌ڕن به‌كراوه‌یی ده‌مێنێته‌وه‌.

هەروەها ڕاگرتنی گه‌شته‌ ناوخۆیی و نێوده‌وڵه‌تییه‌كان له‌ باكوور، باشوور و ڕۆژئاوای وڵات تا كاتژمێر 2ـی پاشنیوه‌ڕۆی سبه‌ی پێنجشه‌ممه‌ درێژكراوه‌ته‌وه‌.

ئەمەش بزانە: ڕێکخراوی فڕۆکەوانی مەدەنی دەڵێت، هەندێک فڕۆکەخانە لە ڕۆژهەڵاتی وڵات لەوانە بۆجنۆرد و سەبزوار و مەشهەد و بیرجەند، ئەگەری ئەوەیان هەیە خزمەتگوزاریی سنووردار پێشکەش بە پارێزگاکانی ڕۆژهەڵات یان وڵاتانی دراوسێ بکەن.