ئیسرائیل دەروازەی ڕەفەح بە شێوەیەکی سنووردار دەکاتەوە

ئاڤا نیوز

بڕیارە حکومەتی ئیسرائیل دەروازەی سنووریی ڕەفەح لە نێوان کەرتی غەززە و میسر بە ڕووی هاتوچۆی هاووڵاتیاندا بە شێوەیەکی سنووردار بکاتەوە. 

ڕاگەیێنراوی فەرمی: بەگوێرەی ڕاگەیێنراوێکی دەستەی کاروباری حکومەتی ئیسرائیل لە ناوچە فەڵەستینییەکان، دەروازەکە لە ڕۆژی یەکشەممە، 1ی شوباتەوە بە هەردوو ئاراستەدا دەکرێتەوە، بەڵام تەنها بۆ جووڵەی خەڵک نەک کاڵا و هاوکارییەکان.

هۆکارە زانراوەکان: ئیسرائیل پێشتر مەرجی کردنەوەی دەروازەکەی بەستبووەوە بە گەڕاندنەوەی تەرمی ران گڤیلی، کە دوا بارمتەی ئیسرائیلی بوو لە غەززە. دوای ئەوەی چەند ڕۆژێک لەمەوبەر تەرمەکەی دۆزرایەوە و بە خاک سپێردرا، بەمەش ڕێگرییە سیاسییەکەی ئیسرائیل بۆ کردنەوەی دەروازەکە کۆتایی هات.

لەلایەکی دیکە: کردنەوەی دەروازەکە لە کاتێکدایە کە توندوتیژییەکان لە غەززە بەردەوامن. بەرگری شارستانیی غەززە گیانلەدەستدانی لانیکەم 32 کەسی لە هێرشەکانی ڕۆژی شەممەدا ڕاگەیاند کە ئیسرائیل چەند ناوچەیەکی غەززەی کردنە ئامانج.