پێنتاگۆن: هێرشەکانی ئەمریکا بەرنامە ئەتۆمییەکەی ئێرانی یەک بۆ دوو ساڵ دواخست

ئاڤا نیوز

هەڵسەنگاندنە هەواڵگرییەکانی ئەمریکا ئاماژە بەوە دەکەن کە هێرشەکان بۆ سەر وێستگە ئەتۆمییەکانی ئێران، بەرنامەی ئەتۆمی وڵاتەکەیان بۆ دوو ساڵ دواخستووە.

چیرۆکی سەرەکی: مانگی ڕابردوو فڕۆکە بۆمب هاوێژەکانی ئەمریکا لە جۆری B2، گورزێکی گەورەیان لە وێستگەی ئەتۆمی فۆردۆی ئێران دا، بە گوتەی بەرپرسانی ئەمریکا وێستگەکە بە تەواوی خاپوور بووە، بەرپرسانیش ئێرانیش دەڵێن زیانێکی ئەوتۆ بەر وێستگەکە نەکەوتووە.

لێدوانی فەرمی: شۆن پارنێل، وتەبێژی پێنتاگۆن بە ڕۆژنامەنووسانی وتووە: "ئێمە لانیکەم یەک بۆ دوو ساڵ بەرنامەکەیانمان دواخستووە، هەڵسەنگاندنی هەواڵگری لەناو وەزارەتی بەرگریدا ئەوە هەڵدەسەنگێنن"، ئاماژەی بەوەشکرد " ڕەنگە لە دوو ساڵ نزیکتر بێت.