سێ سەرۆک شارەوانی دیکەی سەربە جەهەپە دەستبەسەر کران

ئاڤا نیوز

 

بەبڕیاری سەرۆکی داواکاری گشتیی ئیستەنبووڵ، سێ گەورە شارەوانیی لەگەڵ 15 کەسی دیکە کە سەربە جەهەپەن، بەتۆمەتی گەندەڵی دەستبەسەر کران. 

 

وێنە گەورەکە: گرژییەکانی نێوان دەسەڵات و ئۆپۆزسیۆن لە تورکیا تا دێت قووڵتر دەبنەوە، لەو چوارچێوەیەشدا هەریەک لە زەیدان کەرەلار، سەرۆکی گەورە شارەوانی ئەدەنە، عەبدوڵڕەحمان توتدێرە، سەرۆکی شارەوانیی ئەدیامان و موهیتتین بۆچێک، سەرۆکی گەورە شارەوانیی گەورەی ئەنتاڵیا لەگەڵ 15 کەسی دیکە کە سەربە جەهەپەن، بەتۆمەتی گەندەڵی دەستبەسەر کران. 

 

بەتەنیشت ئەم بابەتەوە: ئەمە لە کاتێکدایە هەوڵەکان بۆ نزیکبوونەوەی دەسەڵات و کورد لە چوارچێوەی پڕۆسەی ئاشتی بەرەو قۆناغێکی نوێ دەچێت.

 

هۆکارە زانراوەکان: دەستبەسەرکردنی ئەو دوو سەرۆک شارەوانییە، لە چوارچێوەی لێکۆڵینەوەکانی داواکاری گشتیی ئیستەنبووڵە، کە بە گەندەڵی و بەهەدەردانی موڵکی گشتی تۆمەتبار کراون. 

 

چی ڕوویدا؟ هەفتەی ڕابردوو، سەرۆکی گەورە شارەوانی پێشووی ئیزمیر و نزیکەی 140کەسی دیکەی سەر بە جەهەپە لە ئیزمیر دەستبەسەر کران.

 

باکگراوند: ئەم پرۆسەیە دوای ئەوە دەستی پێکرد کە ئەکرەم ئیمامئۆغلو، سەرۆکی گەورە شارەوانیی ئیستەنبووڵ لەگەڵ 100 ئەندامی دیکەی جەهەپە لەو شارە بە تۆمەتی گەندەڵی دەستگیر کران.