ڕۆژنامەیەکی بەریتانی: تورکیا و ئیسرائیل ڕووبەڕووی یەک دەبنەوە

ئاڤا نیوز

ڕۆژنامەی فاینانشیاڵ تایمزی بەریتانی ئەگەری ڕووبەڕووبوونەوەی تورکیا و ئیسرائیل لە دوای کۆتاییهاتنی شەڕی نێوان ئیسرائیل و ئێران دەخاتەڕوو.

 

بڵاوکراوەی فەرمی: بەگوێرەی ڕۆژنامەکە لە دوای شەڕی ئیسرائیل و ئێران هاوسەنگیی هێز لە ڕۆژهەڵاتی ناوەڕاست گۆڕاوە و لەوانەیە ئەم گۆڕانە ببێتە هۆی ڕووبەڕووبوونەوەی تووندی نێوان ئیسرائیل و تورکیا.

 

زانیاریی زیاتر: ڕۆژنامەکە وتەکەی هاکان فیدان، وەزیری دەرەوەی تورکیا بە نموونە دێنێتەوە کە لە کۆبوونەوەی لوتکەی ڕێکخراوی هاریکاریی ئیسلامی لە ئەنقەرە گوتبووی "هیچ کێشەیەک نییە بە ناوی کێشەی فەلەستین، لوبنان، سووریا، یەمەن یان ئێرانەوە، بەڵام ڕوونە کە کێشەی ئیسرائیل هەیە."

 

ئەوەی پێویستە بیزانیت: ئەم وتەیەی هاکان فیدان وەک بەڵگەیەک بۆ گۆڕانی بیرکردنەوەی تورکیا سەبارەت بە پێگەی ئیسرائیل لە ناوچەکەدا هێنراوەتەوە کە تورکیا بە پێگە و شوناسی نوێی ئیسرائیل وەک هێزێکی بەهەژموون لە ناوچەکەدا خۆشحاڵ نییە، چونکە ئەمە ئەو ڕۆڵەیە کە سەرۆکی تورکیا بۆ تورکیای دەیویست.