ئەمریکا سێ کۆگای چەکی حوسییەکان دەکاتە ئامانج

ئاڤا نیوز

 

ئەمریکا بەبیانووی بوونی هەڕەشە بۆسەر هێزەکانی ئەمریکا و هاوپەیمانان هێرش دەکاتە سەر سێ کۆگای چەکی حوسییەکان لە یەمەن.

 

ڕاگەیێنراوی فەرمی: فەرماندەیی ناوەندیی هێزەکانی ئەمریکا، سێنتکۆم، ڕایگەیاند: هێزەکانیان لە چوارچێوەی "بەرگریکردن لە خۆیان" هێرشی ئاسمانییان کردووەتە سەر سێ کۆگای ژێرزەمینیی حوسییەکان لە یەمەن.

 

 زانیاریی زیاتر: سێنتکۆم ئاماژە بەوەدەکات، "هێرشە نایاساییەکانی حووسییەکان بووەتە هۆی کوژرانی سێ دەریاوان و نوقمبوونی کەشتییەکی بازرگانی و درووستکردنی کێشە بۆ ناردنی یارمەتییە مرۆییەکان بۆ یەمەن و زیانگەیاندن بە ئابوری ڕۆژهەڵاتی ناوەڕاست."

 

وێنە گەورەکە:  ئەمریکا و بەریتانیا پێکەوە سەرکردایەتی هاوپەیمانێتییەکی نێودەوڵەتی دەکەن بۆ پاراستنی هاتووچۆی ئاوی لە دەریای سوور، کە 12٪ی بازرگانیی جیهانی پێدا تێپەڕدەبێت

 

باکگراوند: لە 19ی نۆڤەمبەرەوە، بە پاساوی پشتیوانیکردن لە غەززە لە دژی هێرشی ئیسرائیل، حوسییەکان لانیکەم 73 هێرشی درۆنی و موشەکییان کردووەت سەر کەشتییە بازرگانییەکانی دەریای سوور