تۆم باراك: پێکهێنانی حکومەت لە عێراق  كلیلی سەقامگیری ناوچەكەیە

ئاڤا نیوز

لەژێر ڕۆشنایی پرۆسەی پێکهێنانی حکومەتی نوێ لە عێراق، نێردەی تایبەتی ئەمریکا بۆ سووریا جەخت لەوە دەکاتەوە حکومەتی نوێ لەگەڵ دراوسێكانی و ڕۆژئاوا هاوکار دەبێت، بەهۆی ئەم ڕێبازەوە ناوچەکە خۆشگوزەرانی بەدەست دەهێنێت.

چیرۆکی سەرەکی: هەنگاوەکان بۆ پێکهێنانی حکومەتی نوێ لە عێراق دەستپێکردووە، سەرۆکایەتیی پەرلەمانی عێراق ڕایگەیاند، نیوەڕۆی سبەی سێشەممە کۆبوونەوەی هەڵبژاردنی سەرۆککۆمار بەڕێوەدەچێت و 19ـی کاندید کێبرکێ لەسەر وەرگرتنی پۆستەکە دەکەن.

بڵاوکراوەی فەرمی: تۆم باراك، نێردەی تایبەتی دۆناڵد ترەمپ، سەرۆکی ئەمریکا بۆ کاروباری سووریا لە هەژماری تایبەتی خۆی لە ئێکس ڕایدەگەینێت، پێکهێنانی حکومەتێک لە عێراق کە درێژە بە ڕێبازی هاوکاری لەگەڵ دراوسێکانی و ڕۆژئاوا دەدات، کلیلی سەقامگیری و خۆشگوزەرانی ناوچەکە دەبێت.