لە کەرکووک هەوڵێکی بە قاچاخ بردنی نەوت شکستی پێهێنرا

ئاڤا نیوز

هەواڵگریی عێراق شکستپێهێنانی هەوڵێکی بە قاچاخ بردنی نەوتی لەپارێزگای کەرکووک راگەیاند، کە لەلایەن چەند کەسێکەوە هەوڵی بۆ درابوو.

لێدوانی فەرمی: سەرچاوەیەک لە هەواڵگریی سوپای عێراق لە شاری کەرکووک بە ئاڤای ڕاگەیاند: بە پشتبەستن بە زانیاری وردی هەواڵگری لە نێوان ناحیەکانی لەیلان و تازە لە رۆژئاوای پارێزگای کەرکووک، لە زەوییەکدا بۆری گواستنەوەی نەوتی کێڵگەی جەمبور لەلایەن کەسانێکی لە یاسا دەرچوو کونکراوەو نەوتی لێدزراوە.

ئاماژەی بەوەشکرد، لەشوێنی بۆرییە شکێنراوەکە شەش کەس دەستگیرکراون و دەستیش بەسەر دوو تانکەری گواستنەوەی نەوتی 36 هەزار لیتریدا گیراوە.