سوپای پاسداران هۆشداری توند بە ئیسرائیل دەدات

ئاڤا نیوز

وتەبێژی سوپای پاسداران هۆشداری توند بە ئیسرائیل دەدات و دەڵێت، ئیتر هیچ هێڵێکی سورمان بەرامبەرتان نابێت.

وێنە گەورەکە: دوای جەنگی 12 ڕۆژەی نێوان ئێران و ئیسرائیل، ئێران دەڵێت "بڕوایەکی زۆرمان بە ئاگربەستی ئیسرائیل نییە"، وتەبێژی سوپای پاسدارانیش لە چاوپێکەوتنێکی لەگەڵ میدیایەکی ئێران وتی: ئێمە هەمیشە لە ئامادەباشین بۆ هەر دەستدرێژییەک.

لێدوانی فەرمی: عەلی محەممەد نائینی، وتەبێژی سوپای پاسداران ڕایگەیاند، "ئەگەر ئیسرائیل بیر لە هێرشکردنەسەرمان بکاتەوە ئیتر هیچ هێڵێکی سورمان نابێت".

- ئامانجی ئەمەریکا و ئیسرائیل لەناوبردنی دەسەڵاتی ئێران بوو، ئەوان بەڕوونی هەوڵیان بۆ ڕووخانی کۆماری ئیسلامی ئێراندا، بەڵام کارەکەیان سەری نەگرت.

- "سەرەڕای ئەوەی سەرکردە سەربازییەکانمان کرانە ئامانج، بەڵام وەڵامێکی خێرای دوژمنمان دایەوە".

- زیاتر لە دوو هەزار مووشەک و فڕۆکەی بێفڕۆکەوانمان بۆ ئیسرائیل هەڵداوە.