وتەبێژی سەرۆکوەزیرانی ئیسرائیل بەهۆی ژنەکەی نەتانیاهۆ دەستی لەکارکێشایەوە

ئاڤا نیوز

بەهۆی ناکۆکی لەگەڵ ژنەکەی نەتانیاهۆ، وتەبێژی سەرۆکوەزیرانی ئیسرائیل دەستی لەکار کێشایەوە و دەڵیت، ژنەکەی نەتانیاهۆ دەست لە کاروباری حکومەت وەردەدات.

زانیاریی بەدەستهاتوو: کەناڵ 13ـی ئیسرائیل ئاشکرایکردووە، ئۆمەر دۆستری، وتەبێژی سەرۆکوەزیرانی ئیسرائیل ساڵێکە دەستبەکار بووە، پەیوەندی لەگەڵ هاوسەرەکەی نەتانیاهۆ خراپبووە. بەمجۆرە کێشەکەی نێوانیان گەیشتووەتە ئاستێکی قووڵ و تەنانەت دەمەقاڵێی تووند لە نێوانیاندا ڕوویداوە، دیارە قسەکانی وتەبێژەکە بە دڵی سارای ژنی نەتانیاهۆ نەبووە، ئەویش وتوویەتی یان من دەڕۆم یان دەبێت وتەبێژەکە بڕوات.

زانیاریی زیاتر: بڕیار بوو وتەبێژەکە لەگەڵ نەتانیاهۆ بچێتە واشنتن بۆ چارەسەرکردنی کێشەکانی ئیسرائیل و حەماس، بەڵام پێیان وتووە، تۆ بمێنەرەوە و پشوو بدە، ئێمە دەچین و دەگەڕێینەوە. ئەویش تاقەتی نەماوە و بڕیاری دەستلەکارکێشانەوەی داوە.