ئێران: پێویستە ئەوروپا هێرشەکانی ئەمریکا و ئیسرائیل سەرکۆنە بکات

ئاڤا نیوز
  
ئێران داوا دەکات ئەوروپا لە دۆسیەی ئەتۆمیی ئەو وڵاتەدا ڕۆڵێکی بێلایەن و ناوەندی بگێڕێت.

لێدوانی فەرمی: عەباس عێراقچێ، وەزیری دەرەوەی ئێران لە چاوپێکەوتنێکدا لەگەڵ ڕۆژنامەی لوموندی فەڕەنسی سەبارەت بە خواستی ئەوروپا بۆ یارمەتیدان بە گەڕانەوەی ئێران بۆ دانوستانە ئەتۆمییەکان، ڕایگەیاند: "ئەگەر ئەوروپا بە ڕاستی دەیەوێت ڕۆڵی ناوەندی بگێڕێت، دەبێت سەربەخۆیی و بێلایەنی خۆی نیشان بدات. یەکێک لە نیشانەکانی ئەم بێلایەنییە، سەرکۆنەکردنی هێرشی ئیسرائیل و ئەمریکایە بۆ سەر دامەزراوە ئەتۆمییەکانی ئێران. ئەمەش کارێکە کە فەڕەنسا هێشتا نەیکردووە. لە چ دۆخێکی وەهادا، چۆن دەتوانرێت چاوەڕوانیی ئەوە لە ئێران بکرێت کە پابەندی یاسا نێودەوڵەتییەکان بێت؟" 

زانیاریی زیاتر: سەرەڕای تێبینی و ڕەخنەکانی، بەڵام عێراقچی جەختی کردووەتەوە کە وڵاتەکەی مەبەستی نییە لە پەیمانی قەدەغەکردنی بڵاوبوونەوەی چەکی ئەتۆمی دەربچێت. 

لەلایەکی دیکەوە: عەراقچی سەبارەت بە بەردەوامیی دانوستانەکانی نێوان تاران و واشنتۆن گوتی: "ئێستا، ئاڵوگۆڕی دیپلۆماتیک لە ڕێگەی هەندێک وڵاتی دۆست یان ناوەندییەوە بەردەوامە."