هاوپەیمانییەکەی مالیکی: پۆستی سەرۆکوەزیرانی داهاتوو پشکی ئێمەیە و مالیکی کاندیدمانە

ئاڤا نیوز

لەگەڵ نزیکبوونەوەی وادەی هەڵبژاردنی پەرلەمانی داهاتووی عێراق، هاوپەیمانیی دەوڵەتی یاسا هەوڵی بەدەستهێنانی پۆستی سەرۆکوەزیران دەدات و دەڵێت: " تاکە کاندیدمان بۆ ئەو پۆستە، نورى مالیکییە".

 

وێنە گەورەکە: بڕیارە هەڵبژاردنی خولی شەشەمی پەرلەمانی عێراق ڕۆژی (11-11-2025) بەڕێوە بچێت، هەرچەندە سەدان کەس خۆیان کاندید کردووە بەڵام ئەنجوومەنی کۆمیسیاران تاوەکو ئێستا لیستی کاندیدەکانی  پەسەند نەکردووە.

 
لێدوانی فەرمی: عەقیل فەتلاوی، وتەبێژی هاوپەیمانیی دەوڵەتی یاسا، ڕایگەیاند: تاکە کاندیدی هاوپەیمانییەتیمان بۆ سەرۆکایەتیی حکومەت نورى مالیکییە و جەماوەری هاوپەیمانییەکەشمان پاڵپشتی دەکەن .

لەلایەکی دیکەوە:  موجاهید تائی، نووسەر و توێژەری سیاسی، پێی وایە ئەگەری گەڕانەوەی مالیکی بۆ سەرۆکایەتیی حکومەت نەک هەر ئەستەمە، بەڵکو مەحاڵە ئەمەش بەهۆی گۆڕانکارییە ناوخۆیی و دەرەکییەکانەوە.

ئەمەش بزانە:  مالیکی بۆ دوو خولی یەک لەدوای یەکی ساڵەکانی 2006-2014 سەرۆکایەتیی ئەنجوومەنی وەزیرانی عێراقی کرد، بەڵام دوای ئەوەی وڵاتەکە ڕووبەڕووی هەژانێکی تووند بووەوە، پۆستەکەی جێهێشت.