دانیشتنی پەرلەمانی عێراق بەهۆی دروستبوونی شەڕ و گرژی لەنێوان سەرۆک و جێگرەکەی هەڵگیرا

ئاڤا نیوز

بەهۆی دەمەقاڵێ لە نێوان مەحموود مەشهەدانی، سەرۆکی پەرلەمان لەگەڵ موحسین مەندەلاوی، جێگری یەکەمی سەرۆک، شەر لەنێوان پەرلەمانتارانی شیعە و سوننە دروست بوو و ئێستا هەردوولا داوای لەسەرکارلانی یەکتر دەکەن.

لێدوانی فەرمی: محەممەد نوری، پەرلەمانتاری عێراق بە ئاڤای ڕاگەیاند: ناکۆکیی نێوان ئەندامانی سەرۆکایەتی نییە، بەڵکو ناکۆکییەکی نیشتمانییە بەهۆی لێدوانە دووبارەکانی سەرۆکی پەرلەمان کە سەقامگیریی ئەمنی تێکدەدات و تائیفەگەرانەیە. بۆیە پەرلەمانتاران و جێگری یەکەمی سەرۆکی پەرلەمان داوایان کرد داوای لێبوردن لە گەلی عێراق بکات، بەڵام وەکو کاردانەوەیەک دانیشتنەکەی هەڵگرت.

زانیاریی زیاتر: محەممەد نوری زیاتر وتی، هەڵمەتی کۆکردنەوەی واژۆمان دەستپێکردووە بۆ دوورخستنەوەی مەحموود مەشهەدانی و ڕەوانەکردنی بۆ لیژنەی پزیشکی لەپێناو دڵنیابوون لە سەلامەتیی ئەقڵی، چونکە ئەو هەڵسوکەوتانە هی کەسێکی ئاقڵ نییە.