ئێران دەست بەسەر کەشتییەکی پڕ سووتەمەنیدا دەگرێت

ئاڤا نیوز

بە تۆمەتی بەقاچاخبردنی دوو ملیۆن لیتر سووتەمەنی، ئێران دەست بەسەر کەشتییەکی نەوتهەڵگری بیانیی لە کەنداوی عومان دەگرێت و تیمەکەشی دەستگیر دەکات.

زانیاریی بەدەستهاتوو: بەپێی ئاژانسی مێهری ئێرانی، کەشتییەکی نەوتهەڵگری بیانیی بەبارێکی قاچاخەوە دەستی بەسەردا گیراوە و لێکۆڵینەوەی دادوەریش بەردەوامە، بەڵام تا ئێستا ڕەگەزنامەی کەشتییەکە و شوێنی مەبەستی ئاشکرا نەکراوە.

لێدوانی فەرمی: موجتەبا قەهرەمانی، سەرۆکی دادوەریی پارێزگای هورموزگان، ڕایگەیاند: هێزی دەریایی ئێران، دوای چاودێرییەکی چڕ لە سنوورە ئاوییەکانی وڵاتەکەی لە دەریای عومان، دەست بەسەر کەشتییەکی بیانی کە دوو ملیۆن نەوتی قاچاخی بارکردبوو گیرا.  

زانیاریی زیاتر: قەهرەمانی ڕوونیکردەوە، کەشتییەکە هیچ بەڵگەنامەیەکی یاسایی تایبەت بە بارەکەیەوە نەبووە، لە چوارچێوەی ڕێکارە یاساییەکانیشدا سەرجەم تیمی کەشتییەکە کە ژمارەیان 17 کەسە دەستگیرکراون.