کۆنگرێسی ئەمریکا پرۆژەیاسایەکی دژی عێراق پەسەند کرد

ئاڤا نیوز

ئەمریکا بەردەوامە لە سزا و گوشارەکانی بۆ سەر عێراق، ئەمجارە لە کۆنگرێسی ئەمریکا پرۆژەیاسایەک دژی گرووپێکی گەورەی حەشدی شەعبی پەسند کرا.

چیرۆکی سەرەکی: کۆنگرێسی ئەمریکا پرۆژەیاسایەکی دژی ڕێکخراوی بەدر پەسند کرد، کە هادی عامری سەرۆکایەتی دەکات، ڕێکخراوێکی نزیک لە ئێرانە و یەکێکە کۆنترین گرووپە چەکدارەکانی عێراق، ساڵی 1983 دامەزراوە.

ئەوەی پێویستە بیزانیت: پرۆژەیاساکە داوا لە ترەمپ دەکات لە ساڵی 2026 ئەو بڕە پارەیەی وەزارەتی بەرگریی ئەمریکا بۆ حکومەتی عێراق تەرخانی دەکات، نابێت ڕێکخراوەکە لێی سوودمەند بێت.

زانیاریی زیاتر: پڕۆژەیاساکە لەلایەن جۆی وۆڵسن، کۆنگرێسمانی ئەمریکی پێشکەش کراوە و لە ئەنجومەنی نوێنەرانی ئەمریکا تێپەڕێنراوە، ئامانجی ئەوەیە چالاکییەکەکانی ڕێکخراوی بەدر سنووردار بکات، هۆشداریش دەدات ئەگەر ڕێکخراوی بەدر لە هاوکارییەکانی ئەمریکا سوودمەند بێت، ئەوا سەرجەم هاوکارییە دارایی و سەربازییەکان بۆ هێزە عێراقییەکان ڕادەگرێت.