ئیسرائیل کەنیسەی ‌غەززەی بۆردومان کرد

ئاڤا نیوز

ئیسرائیل تاکە کەنیسەی کاتۆلیکیی ناو کەرتی غەززەی بۆردومان کرد و بەهۆیەوە لانیکەم دوو کەس کوژران و شەش کەسی دیکەش بریندار بوون.

چیرۆکی سەرەکی: سوپای ئیسرائیل بە تانک کەنیسەکەی بۆردومان کردووە، جگە لە زیانە گیانییەکان، زیانی زۆریش بەر باڵەخانەی کەنیسەکە کەوتووە.

لێکەوتە و کاریگەرییەکان: لە کاردانەوەدا جۆرجیا مێلۆنی، سەرۆکوەزیرانی ئیتالیا گوتی هێرشەکانی ئیسرائیل بۆ سەر کەسانی مەدەنی جێگەی قبوڵکردن نییە و هیچ پاساوێکیان بۆ نییە. هەروەها ژان نۆئێڵ بارۆت، وەزیری دەرەوەی فەڕەنسا، ڕایەگیاند کەنیسەکە لە ڕووی مێژووییەوە لە ژێر پاراستنی فەڕەنسایە و ئەم هێرشە جێگەی قبوڵکردن نییە.

لەلایەکی دیکەوە: سوپای ئیسرائیل ڕایەگیاندووە کە لێکۆڵینەوە لە ڕووداوەکە دەکات.