وەزارەتی بەرگریی تورکیا: چوار چەکداری پەکەکە خۆیان ڕادەستی تورکیا کردووەتەوە

ئاڤا نیوز

وەزارەتی بەرگریی تورکیا ڕایگەیاند، لە ماوەی هەفتەی ڕابردوودا چوار چەکداری سەر بە پەکەکە کە لە حەشارگە و ئەشکەوتەکانی هەرێمی کوردستانەوە هەڵاتبوون، خۆیان ڕادەستکردووەتەوە.

لێدوانی فەرمی: ئەدمیراڵ زەکی ئاکتورک، ڕاوێژکاری پەیوەندییە گشتییەکان و ڕاگەیاندن لە وەزارەتی بەرگریی تورکیا و گوتەبێژی وەزارەتەکە، لە کۆنگرەی ڕۆژنامەوانیی هەفتانەدا ڕایگەیاند:  لە ناوچەی ئۆپەراسیۆنی پەنجە کلیت و ناوچەکانی ئۆپەراسیۆن هەڵمەتەکانی گەڕان و دۆزینەوە و لەناوبردنی ئەشکەوت، پەناگە، حەشارگە، مین و تەقەمەنی بەردەوامە.

 ئاکتورک باسی لەوەشكردووە: لەم چوارچێوەیەدا ژمارەیەکی زۆر چەک و تەقەمەنی و کەرەستەی جۆراوجۆر دەستیان بەسەردا گیراوە و لەناوبراون.

ژمارەکان وادەڵێن: لەوادی کودەتای 15ی تەممووزی تورکیاوە تاوەکو ئێستا، 23 هەزار و 696 ئەفسەر لە سوپا دەرکراون و، پلەی دوو هەزار و 236 ئەفسەری خانەنشین وەرگیراوەتەوە. تا ئەمڕۆ تێکڕا 26 هەزار و 205 ئەفسەر ڕێوشوێنی دەرکردن و گەڕاندنەوەی پلەی سەربازییان بەرامبەر گیراوەتەبەر".

لەلایەکی دیکەوە: سەرچاوەکانی وەزارەتی بەرگریی تورکیا ڕایگەیاند: لە هێرشە ئاسمانییەکانی ئیسرائیلدا بۆ سەر سووریا، هیچ دۆخێکی نەرێنیی بەسەر هێزەکانمان و سەربازەکانماندا لە سووریا نەهاتووە.