تورکیا پرسەنامەیەک ئاراستەی عێراق دەکات

ئاڤا نیوز

وەزارەتی دەرەوەی تورکیا پرسە و سەرەخۆشی وڵاتەکەی ئاراستەی عێراق دەکات، بەهۆی ڕووداوی ئاگرەکەی پارێزگای کوت لە عێراق کە بەهۆیەوە 61 کەس گیانیان لەدەست دا.

چیرۆکی سەرەکی: شەوی چوارشەممە لە هایپەرمارکێتێکی پاریزگای کوت، ئاگرێکی گەورە کەوتەوە، بەهۆیەوە 61 کەس گیانیان لەدەست دا. لێکۆڵینەوە لە ڕووداوەکە دەستی پێکردووە، خاوەنی مارکێتەکە گیراوە و بڕیاروایە تا 48 کاتژمێری داهاتوو ئەنجامی لێکۆڵینەوەکان و هۆکاری ئاگرەکە بۆ ڕای گشتیی بڵاوبکرێتەوە.

ڕاگەیێنراوی فەرمی: وەزارەتی دەرەوەی تورکیا ڕایگەیاند: بە قووڵی نیگەرانین بەهۆی ڕووداوی ئاگرەکەی ناوەندێکی بازاڕکردن لە پارێزگای کوت لە عێراق،  خوای گەورە قوربانیانی ڕووداوەکە بە بەهەشتی بەرین شاد بکات، پرسەنامەی خۆمان ئاراستەی گەلی عێراق دەکەین.