ئۆتۆمبێلەکەی سەرۆکی ئێران بەهۆی بەنزینی خراپ لە نیوەی ڕێگادا لە کار دەکەوێت

ئاڤا نیوز

ئۆتۆمبێلەکەی سەرۆککۆماری ئێران بەهۆی خراپی بەنزینەوە لەنیوەی ڕێگا پەکی دەکەوێت و ناچار بە تاکسی گەشتی تەورێز دەکات.

چیرۆکی سەرەکی: مەسعوود پزیشکیان، سەرۆککۆماری ئێران بە ئۆتۆمبێل ویستوویەتی لە تارانەوە بڕوا بۆ تەورێز، کاروانەکەی بە سێ ئۆتۆمبێل بووە و لە ڕێگادا لایان داوە لە بەنزینخانەیەک بەنزینیان لە ئۆتۆمبێلەکان کردووە، بەڵام دوای دەرچوونیان لە بەنزینخانە ئۆتۆمبێلەکان بەهۆی سووتانی فیتپەمپەوە لە کارکەوتن.

هۆکارە زانراوەکان: دوای ئەوەی لە هۆکاری سووتانی فیتپەمەکان دەکۆڵنەوە، دەردەکەوێت کە بەنزینەکە ئاوی لەگەڵ تێکەڵکراوە، دوای ئەوە پزیشکیان لە ئۆتۆمبێلەکەی دادەبەزێت و ناچار بە تاکسی گەشتەکەی بۆ تەورێز دەکات.