دوای کشانەوەی سوپای سووریا لە سوەیدا "کوشتار" ڕوویداوە

ئاڤا نیوز

بە گوێرەی چەند ڕاپۆرتێک دوای کشانەوەی سوپای سووریا لە پارێزگای سوەیدا چەکدارەکان دەستیان بە کوشتار کردووە.

 

چیرۆکی سەرەکی: لە گرتەیەکی ڤیدیۆییدا خێڵی بەدەوی، کە خێڵێکی سوونیی سوەیدان، ڕایدەگەیێنن میلیشیاکانی حیکمەت هیجری کە درووزن و لەلایەن ئیسرائیلەوە پشتیوانی دەکرێن، دەستیان کردووە بە کوشتاری خێڵەکەیان و تەنانەت ژن و منداڵی خێڵەکەشیان کوشتووە. 

 

زانیاریی زیاتر: بەدەوییەکان دەڵێن کەس گوێی لە دەنگی ئەوان نییە و داوا لە وڵاتانی جیهان دەکەن بچن بە هانایانەوە و لەو "کۆمەڵکوژییە" ڕزگاریان بکەن. 

 

وێنە گەورەکە: دوای ئەوەی ئیسرائیل بە چڕی پێگەکانی سوپای سووریای بۆردومان کرد، سوپا بڕیاری دا لە سوەیدا بکشێتەوە و ئاسایشی شارەکە بداتە دەست چەکدارانی دووز و ڕیشسپییەکانیان.

 

ئەوەی لە بارەوە دەگوترێت: دوای کشانەوەی سوپا، چەکدارەکان ئاڵای ئیسرائیلیان لە سەر باڵەخانەکانی سوەیدا هەڵکردووە.