ڕێککەوتننامەی ستراتیژیی نێوان ڕووسیا و ئێران دەچێتە بواری جێبەجێکردنەوە

ئاڤا نیوز
 

ڕێککەوتنی هاوبەشی ستراتیژیی نێوان ڕووسیا و ئێران کە پەیماننامەیەکی فرەڕەهەندی دوولایەنەیە، چووە بواری جێبەجێکردنەوە.

 

لێدوانی فەرمی: کازم جەلالی، باڵیۆزی ئێران لە مۆسکۆ، ڕایگەیاند ڕێککەوتنەکە، لە تەواوبوونی ڕێکارە ناوخۆییەکان لە ئێران و ڕووسیا، ئێستا کەوتووەتە بواری جێبەجێکردنەوە.

زانیاریی زیاتر: پەیماننامەکە لە پەرلەمانی ڕووسیا پەسەندکراوە و سەرۆکی ڕووسیاش ڤلادیمیر پووتین واژووی کردووە. هەر لە هەمان کاتدا، لە پەرلەمانی ئێرانیش پەسەندکراوە و لە ئەنجوومەنی چاودێریی دەستووریشەوە پەسەند کراوە.

باکگراوند: لە 17ی کانوونی دووەمی ئەمساڵ، ڤلادیمیر پووتین، سەرۆکی ڕووسیا و مەسعود پزیشکیان، لە مەسکۆ، ڕێککەوتنامەکەیان واژو کرد.