ئەڵمانیا هۆشداری دەداتە سووریا: پشتیوانیمان بەندە بە پاراستنی هەموو پێکهاتەکان

ئاڤا نیوز

ئەڵمانیا هۆشداری دەداتە حکومەتی سووریا کە بۆ بەدەستهێنانی پشتیوانی وڵاتەکەی، پێویستە هەموو هاووڵاتیانی سووریا سەر بە هەموو ئایین و نەتەوە جیاوازەکان بپارێزێت.  

وێنە گەورەکە: گرژییەکانی نێوان حکومەتی سووریا و پێکهاتەی دروزەکان لە سووریا کاردانەوەی نێودەوڵەتیی لێکەوتووەتەوە و بەشێک لە وڵاتان داوادەکەن گرژییەکان کۆتایی پێبهێنرێت و سەقامگیری و ئاسایشی سووریا بپارێزرێت.

لێدوانی فەرمی: یۆهان ڤادێفول، وەزیری دەرەوەی ئەڵمانیا ڕایگەیاند، "ئەم حکومەتە ڕاگوزەرەی سووریا تەنیا کاتێک پشتیوانی ئێمەی دەبێت کە پابەند بێت بە پرۆسەیەکی گشتگیر لە سووریادا، ئەگەر خەڵک بپارێزێت، و ئەگەر ڕێگە نەدات تاکەکان بەهۆی ناسنامەی ئایینی یان نەتەوەیی تایبەتیانەوە بچەوسێنرێنەوە، یان لەوەش خراپتر، بکوژرێن".

زانیاریی زیاتر: لێدوانەکەی ڤادێفول جەخت لەسەر گرنگی پاراستنی مافی هەموو پێکهاتەکانی کۆمەڵگەی سووریا دەکاتەوە وەک مەرجێکی بنەڕەتی بۆ هەر جۆرە پشتیوانییەکی سیاسی لەلایەن ئەڵمانیاوە، ئەمەش لە کاتێکدایە کە نیگەرانییەکان سەبارەت بە پێکدادانی تائیفی لە باشووری سووریا و دەستوەردانی دەرەکی زیادیکردووە.