لە ڤێتنام بەهۆی وەرگەڕانی بەلەمێک 34 کەس گیانلەدەستدەدەن

ئاڤا نیوز

بەهۆی وەرگەڕانی بەلەمێکی گەشتیاری لە ڤێتنام بە لایەنی کەم 34 کەس گیانیان لەدەستدا و حەوت کەسیش بێسەر و شوێن بوون.

چیرۆکی سەرەکی: بەلەمێکی گەشتیاری لە کاتی هەورەبروسکە و ڕەشەبای لەناکاو لە ڤێتنام ژێرئاو کەوت کە 48 سەرنشین و پێنج ئەندامی تیمی سەرپەرشتیاریی بەلەمەکەی لەخۆگرتبوو، هەمووان ژێرئاو کەوتن، بەڵام توانرا 12 لەو کەسانە ڕزگار بکرێن.

ڕاگەیێنراوی فەرمی: میدیاکانی ڤێتنام بڵاویانکردووتەوە، دوای وەرگەڕانی بەلەمەکە، کارمەندانی فریاگوزاری توانیویانە 12 کەسیان ڕزگار بکەن، هەروەها تەرمی 34 کەس لە نزیک شوێنی ڕووداوەکە دەربهێنن، بەڵام تاوەکو ئێستا حەوت کەس هێشتان بێسەر و شوێنن.

زانیاریی زیاتر: بەلەمەکە ویستوویەتی گەشت بۆ شاری ها لۆنگ بەی بکات کە شوێنێکی بەناوبانگە، بەڵام لە ئەنجامی بای بەهێز وەرگەڕاوە کە زۆربەی سەرنشینەکان گەشتیار بوون.