لە ئێران ئاگرکەوتنەوە و تەقینەوەی لەناکاو بەشێوەیەکی بەرچاو زیادی کردووە

ئاڤا نیوز

تەنها لەماوەی 24 کاتژمێردا لە پارێزگایەکی ئێران، دوو تەقینەوەی جیاواز ڕوویداوە کە بەهۆیەوە 18 کەس برینداربوون، ئەمەش لە کاتێکدایە لەماوەی چەند هەفتەی ڕابردوودا ڕووداوە هاوشێوەکان بەشێوەیەکی بەرچاو زیادیان کردووە. 

چیرۆکی سەرەکی: لە پارێزگای گەیلانی ئێران بەهۆکاری جیاواز دوو تەقینەوە ڕوویداوە کە جیا لە زیانە مرۆییەکان، زیانی ماددی زۆریشی بە باڵەخانە و ئەو ئۆتۆمبێلانە گەیاندووە کە لە نزیک ئەو شوێنە بوون. 

بڵاوکراوەی فەرمی: میدیاکانی ئێران لەوبارەیەوە ڕایانگەیاندووە، تەقینەوەی یەکەم لە شاری ڕشت بووە لە پارێزگای گەیلان کە بەهۆیەوە 13 کەس برینداربوون، تەقینەوەی دووەم لە شاری ڕەزوان شەهر بووە کە بەهۆیەوە پینج کەس برینداربوون. 

لەلایەکی دیکەوە: بەڕێوەبەری ئاگرکوژێنەوەی گەیلان ڕایگەیاندووە کە تەقینەوەکان بەهۆی لێچوونی غازەوە بوون و لێکۆڵینەوەکانیشیان لەوبارەیەوە بەردەوامە. 

زانیاریی زیاتر: ئەم ڕووداوانە لە کاتێکدایە، ماوەی چەند هەفتەیە تەقینەوەی غاز و ئاگرکەوتنەوەی لەناکاو بەشێوەیەکی بەرچاو زیادی کردووە.